Байрам табриги
Муборак туман Иқтисодиёт ва молия бўлими жамоаси барча юртдошларимизни давлат мустақиллигининг қутлуғ 32 йиллиги муносабати билан самимий табриклайди. Бу кун асрлар давомида катта машаққатлар эвазига қўлга киритилган эркинлигимиз, Халқимизнинг катта йўқотишлари ортидан эришилган буюк озодлиги рамзидир. Ўтган 32 йил мобайнида меҳнаткаш, мард ва саховатли халқимиз билан биргаликда кучли ва фаровон мамлакат қуриш йўлида улкан қадамлар ташланди. Ўз навбатида, олдимизда амалга оширилишини кутиб турган эзгу мақсадларимиз бисёр. Жумладан, 2030 йилга қадар иқтисодиёт ҳажмини 2 баравар ошириш ва “даромади ўртачадан юқори бўлган давлатлар” қаторига кириш, “яшил иқтисодиёт”га ўтиш, унинг асоси бўлган қайта тикланувчи энергиядан фойдаланиш кўрсаткичларини кескин кўтариш каби катта марралар кўзланган. Бу улкан марраларга ҳалол ва меҳнаткаш юртдошларимиз билан биргаликда эришамиз. Ватанимизда яшаётган ҳар бир оила, ҳар бир инсон эзгу ниятларига етсин. Мустақиллигимиз абадий бўлсин! Муборак туман Иқтисодиёт ва молия бўлими жамоаси.
